හදවත ද දහැන ද බිඳී යයි
අනියත බවක තැති ගැම්මෙන්
සොඳුරිය එන්න ප්රේමය ම
කමටහන් කරගන්න
ඔබට මට වෙන්වන්ට සිදු වෙන
දිනක් පැමිණෙත නව සළු ගෙන
තුරුලු ව හෝ බෝ දුර
පිළිබඳ සිතිවිල්ලෙන් හෝ එසේ නොව
හිත් අතැර යන්නට සිදුවෙන
දිනක් පැමිණෙත ළං ළං ව හෝ දුර
ඔබ මා අතර දැනීම් අවසන් වන
මා නික්ම යන හෝ ඔබ
කිසිත් නොදන්නා බිළිඳකු ඈ
අමුතු දෙසක යළි උපන්න
ඔබ හෝ මම
අතැර පෙර භව මතක
නව ජන්ම ලද බිළිඳු සිත
ඔබේ හෝ මගේ කඳුළු නොදැක ම
කිරි සිනා නඟන්නේ
සොඳුරිය අපය මේ
අපේ දරු වූ කලී
තවත් අයගේ මතක සිතුවම්
ඔවුන් හැර අහඹු ව
කළලයක බදා නැඟී සිටි
ජීවිතය මේ හැටි ය සොඳුරිය
දුක ද සතුට ද ශූන්යය වන
ඔබ ද මා සිතැඟිළි ගිලිහි දින
යළිඳු හමුවක් නොදැන පාවෙන
'සංසාරය' ය
සසර බැඳුමක් ලෙදින් සිතුව ද
වේද නොවේදැයි නොදන්න
මේ භවය තුළ දුන් සෙනෙහස
සොඳුරිය හිස නමා පවසමි
අප වෙන්වන තැන
සිත සුන්බුන් කර
ප්රේමය ම කමටහන් කොට
මේ සසරෙන් ඉවත යමු අපි
එක් ව හෝ වෙන් වෙන් ව
අනවරත භව අසංඛෙය්ය අතරවර
අපට අප හිමි අහිමිදැයි නොදත්
මේ සසර බිඳ යමු සොඳුර
වේද නොවේදැයි නොදන්න
මේ භවය තුළ දුන් සෙනෙහස
සොඳුරිය හිස නමා පවසමි
අප වෙන්වන තැන
සිත සුන්බුන් කර
ප්රේමය ම කමටහන් කොට
මේ සසරෙන් ඉවත යමු අපි
එක් ව හෝ වෙන් වෙන් ව
අනවරත භව අසංඛෙය්ය අතරවර
අපට අප හිමි අහිමිදැයි නොදත්
මේ සසර බිඳ යමු සොඳුර
Picture - Captured by me, 18 wanguwa, Sri Lanka
No comments:
Post a Comment