මෙතරම් ප්‍රේමයක්

හදවතට උණු දිය හලන
මේ සඳ කවුද
එන්න අපි
කදෝපැණියන් අල්ලා
පළඳවමු ගස් මත
අහසෙ හරි මැද මැනලා
අලවමු රතු සඳ

අප අතර සයුරකි
නම නොදත් නිල් පැහැයකින් යුතු
දියමන්ති වන් දහස් රහසින් යුතු
වැඩි හරියක් ආදර සරැළි
අපි තනමු අපේ ඇස් අතර සයුරක්
සියලු පාපයන් දරා ඉන්නා
කළු පැහැති සයුරක්
මේ කතාබහ නිම වන තුරු

ඔබට මා ඕනෑ තරමට වඩා
මට ඕනෑ ය ඔබ
මා ගැඹුරු මුහුද දකින්නේ
ඔබේ නෙතින්
ඔබේ උරහිස නැති ව මා
කඳුළින් දිය ව යයි
මෙතරම් ප්‍රේමයක් කොහේ සිට
මා සොයා පැමිණියෙද