Monday, February 18, 2013
පහන් තරුවක් මතු ව එන්නේ
හුදකලාවෙන් අන්ධකාරෙන් සිහිල් සුළඟක් මතු ව එන්නේ
නබෝ ගැබ සුරතින් දෙබෑ කර පහන් තරුවක් අත වනන්නේ
අන්න එතැන යි ප්රේමයේ සොඳ නොනිමි කවියක් දිදුල දෙන්නේ
සිඳී ගිය ගං පත්ල වුව කිම පහන් තරුවට සසල වන්නේ-
කිමැයි සොඳුරිය සුපින ප්රේමය - අතීතය දොරගුලු හරින්නේ
පහන් තරුවක් මතු ව එන්නේ
වියැක ගිය අඩ සඳක කඳුළු ද
තරු දෙනෙත පත්ලේ ඇඳෙන්නේ
වියපත් ව ගිය අහස කුස අස
කිමද ප්රේමය සුවඳ දෙන්නේ
පහන් තරුවක් සලිත වන්නේ
අන්න එතැනයි සොඳුර සැළමුතු
හද බස ද මුදු හාදු දෙන්නේ
pic. - stuffpoint.com
Labels:
කඳු ගී
Subscribe to:
Post Comments (Atom)
මේක පෙබරවාරි 14 දාන්න තිබුණ එකක් නේද....
ReplyDelete