Thursday, November 14, 2013
ඉස්කෝල
මං උසස් පාසලක් දැක්ක
එහේ තිබුණෙ නෑ
දූවිලි සුළඟත් එක්ක පොර කකා
විසාල මිදුල් අතු ගාන්න
ඔයෙන් ගල් ඇදලා ගල් වැටි බඳින්න
පොල් ලෙලි ගෙනත් ගෙනත්
ගස් වටේ අහුරන්න
ඊටත් පස්සේ සෙරෙප්පු නැති කකුල්වලින්
දුවන් දුවන් ගිහින් බංකුවකට ගාල් වෙන්න
ඩෙස් පුටු අරන් ගිහින් තැන් තැන්වල අහුරන්න
හැමෝට ම තිබුණෙ කිරි පාට ගවුන්
එක ම විදිහේ සපත්තු
එක ගානට කපපු මල් පඳුරු මැද පාර දිගේ
පේළියට ඒ අය ඇවිදන් ගියා
මිදුල් අතුගාන්න බැලු බැලු තැන ලස්සන කරන්න
එහේ හරි හුඟක් අය
ඒ අය පහු කරන් ළමයි ගියේ හරි උජාරුවෙන්
ඒගොල්ලො පන්තියට ගිහින් පාඩමට වාඩි වුණා
විෂයකට පන්තියෙන් වැඩි ලකුණු ලැබුණත්
ඒ අයට සහතික ලැබුණා
ලංකාවෙන් ම චිත්ර ඇඳලා පළවෙනියා වුණු සිරිමා
කවදාවත් අපේ ඉස්කෝලේ ඉස්ටේජ් එකට ගත්තෙ නෑ
විඩින් විඩේ ගුරුවරුන්ගෙයි ලොකු සර්ගෙයි ළමයි උඩට නංවලා
ඒ වගේ හැදෙන්න කියලා අපිට කිව්වා
ඉහළ විබාගේ පාස් වුණු දවසේ
එයාල මට කිව්වා
"කලා කළා ඒකයි" කියලා
Picture - Lin Fengmian, Chinese, 1900-1991
Subscribe to:
Post Comments (Atom)
No comments:
Post a Comment