Wednesday, July 16, 2014
මල් උයන් පසු කොට
ඇසිඩ් රැල්ලකට ගසා යමි අහකට
එහෙත් ඉහිලිය නොහැක ඉරුවාරද මට
ආයුබෝවන් කියන්නට ඔබට ඇතැම් විට
ළඟත් ඇති මා නොදැන හිටියට
යන්න යමි එකල්හී
මල් උයන් පසු කොට
හිසද හිත පාරනා
පිහි පහර දුරු කොට
කඳුකරය නවතිමි
උස් විසල් ගසක් යට
උරා බොමි සඳ එළිය
විඩා නිවනෙමි වැතිර
කොත් කැරැල්ලක් පෙනේ
කඳු ඉසෙහි නතර වුණ
හිස මුඩු ගාමි මම
නිවන් යමි එහි සෙවණ
"නොවේවා මින් මතුව ගිහි ගෙයක් මා නමින්
මිදී භවයක මඟින් ඉවත් වෙමි සැනසුමින්"
පැදකුණු කරමි දුක යනෙන මඟ පෙන්නුව
උදාවේවා මට උතුම් අරහත් සුව
Picture - Claude Monet, from Paris (1840 - 1926)
Subscribe to:
Post Comments (Atom)
No comments:
Post a Comment