Tuesday, August 5, 2014

මරණය එවා ඇත තෑග්ගක් කොට



මරණය එවා ඇත
තෑග්ගක් ලෙස
විවර නොකරම සිටිමි

එවන් විට මං පැහැරන්නන් මෙන්
දිව්‍යත්වයේ මාවත් වසා
පතුරයි ගණ තිමිර තිර
සිඳ අවසන් දිය බිඳුවඳ
අවසඟව හුස්ම ගනී කඳුකරය

ළය පස හාරා
බෝර දමත් ඔහු සහචරයෝ
සිහින විසිරී යයි කැට කැබිලිතිව
කඳු ඉස දිය කඩිති අස
සුදු පාටින් ලියත් සමරත්
භාරකරුවන් නොව ඔවුන්
අයිතිකරුවන් බව

මහපාරේ ගස් ගල් වල
සටහන් කරති අපේ මරණය

මරණය එවා ඇත ඔහු
තෑග්ගක් කොට
විවර නොකර සිටියද තවම

Picture - Manuel Nuñez

No comments:

Post a Comment