Thursday, September 18, 2014

විලක් මම!



උල්පතක් සේ මතුව ගලායන්නට බෑ
විලක් මම
වාලුකා තීර පිස සරැළි නඟනව මිසක
සහස්පෙති පුබුදවන්නට බෑ
ඒත් සුවඳක්ම මිස නෑ කහටක් එහෙම

සැඳෑ කල රෝස පෑ කොපුල් ගත් වලාකුළු
මලානික අඳුරකට සෙමින් අත වනන කොට
විරාගී සෝකයෙන් බලා ඉන්නවා මිස
හාදුවක් තියන්නට බෑ
ඒත් මගෙ මුළු හද මත දිලේ රන් අහස

උල්පතක් සේ මතුව ගලායන්නට බෑ
විලක් මම

Picture - Victor Nizovtsev

No comments:

Post a Comment